Kraantebericht'n|
Hei-j 't ook 'eleez'n. In de "Opregte" stond'n een paer bericht'n waor ik op reageer'n wil. Neem now 't bericht over Internetkiosken. Wie zit doar now op te waacht'n? Ikke niet. Een kassie waor-ai bi'j meensen mee in huus kunn'n kiek'n. Wil ie ook zoen kassie bi'j huus 'emm'n? Ikke niet. En wat dat gaot kost'n zeg, dree-onderdtwintigduzend euro. Allemachies nog aan toe. Hoeveule zol die old veurzitter van de VVV krieg'n veur zien onderzeuk. Zi'j 'emm'n mekaander mooi de balle toe'espeuld, de ni'je en de olde veurzitter. Hoe neum'n ze soks ook weer... Oonze gemiente draegt veertigduzend euro bi'j an die grap. En dat terwijl ze in 't ni'je jaor will'n besunigen op minima en gehandicaptenvergoeding'n. Snap ie dat? Ikke niet. Dan 't bericht over de meule. De gemiente wil 't een rijksmonument maek'n. Dat hadd'n ze tien jaor 'eleed'n moet'n doen, dan ai d'r minder waark mee-ehad om um weer in olde staot te krieg'n. Ai snapp'n wak bedoele. En wat gaot dat monument'ngedoe welnie kost'n. Wil ie d'r an meebetael'n. Ikke niet. Zol de wet'older in kwestie wel ies bi'j de meule 'ewest 'emm'n. Het skient dat hi'j 'ezegd ef dai-er mit een boot onder kunn'n vaer'n. Now, dan moei d'r toch eerst weer een sloot enne graev'n en onder de meule t'ien en t'aander wegbreek'n. En as dan alles klaor is en 't een rijksmonument is, dan komp-er een filmploegie veur een video en dan krieg'n die meens'n ook zoen mooi kassie veur de deure. Zoll'n ze dat will'n? Ik weet 't niet. EKD |
Terug